شمال مشرقی بلوچستان، بالائی پنجاب اور بالائی خیبر پختونخوا میں آج بارش کا امکان ظاہر کیا گیا ہے۔

محکمہ موسمیات کے مطابق اسلام آباد میں تیز ہواؤں، آندھی اور گرج چمک کے ساتھ آج بارش متوقع ہے۔ آزاد کشمیر میں بھی آندھی اور گرج چمک کے ساتھ بارش کا امکان ہے۔

پنجاب کے مختلف علاقوں میں گلیات، راولپنڈی، اٹک، چکوال، جہلم، گوجرانوالہ، گجرات اور فیصل آباد میں بارش کا امکان ہے۔ سیالکوٹ، نارووال، لاہور، قصور، اوکاڑہ، ساہیوال، ملتان، مری، رحیم یار خان اور ڈیرہ غازی خان میں بھی بادل برسیں گے۔

خیبر پختونخوا کے بالائی علاقوں دیر، سوات، شانگلہ، مانسہرہ، کوہستان، ایبٹ آباد، کوہاٹ میں بارش متوقع ہے۔ ڈیرہ اسماعیل خان، پشاور، مردان، صوابی، نوشہرہ، کرم، بنوں اور وزیرستان میں بھی بارش ہوگی۔

سندھ کی بات کی جائے تو سجاول، کراچی، حیدرآباد، جیکب آباد، سکھر، دادو، چھور، پڈعیدن میں بارش متوقع ہے۔ تھر پارکر، مٹھی، عمر کوٹ، اسلام کوٹ، میر پور خاص، ٹھٹھہ اور بدین میں بارش کا امکان ہے۔

بلوچستان کے شہر سبی، کوہلو، لورالائی، بارکھان، لسبیلہ اور خضدار میں بارش کا امکان ہے۔