قومی مقاصد قومی مقاصد کی حقیقی ترجمان
کراچی: ضمنی انتخابات کے دوران مبینہ طور پر جعلی ووٹ ڈالے جانے کا انکشاف ہوا ہے۔ اس بات کا انکشاف قومی اسمبلی کے حلقہ این اے 237 کے پریذائڈنگ افسر نے کیا ہے۔
پریذائڈنگ افسر کے مطابق کراچی میں قومی اسمبلی کے حلقے این اے – 237 میں ہونے والے ضمنی انتخابات کے دوران نامعلوم افراد کو پولنگ اسٹیشن میں جعلی ووٹ ڈالتے ہوئے دیکھا گیا۔
اس ضمن میں پریذائڈنگ افسر کا کہنا ہے کہ واقعہ این اے 237 کے علاقے آسو گوٹھ میں واقع پولنگ اسٹیشن پر پیش آیا تھا۔
پریذائڈنگ افسر کے مطابق 15 سے 16 افراد پولنگ بوتھ کے کمرے تک پہنچے تھے، جب انہیں جعلی ووٹ ڈالتے ہوئے دیکھا تو پولیس اہلکار کے ہمراہ جاکر انہیں باہر نکالا۔ اس سلسلے میں انہوں ںے مؤقف اختیار کیا ہے کہ واقعہ سہ پہر میں پیش آیا تھا۔
