کراچی: ملک کے مرکزی بینک اسٹیٹ بینک آف پاکستان نے اپنے ملازمین کو ہفتے میں دو دن گھروں سے کام کرنے کی ہدایات جاری کردی ہیں۔

قومی مقاصد نیوز کے مطابق اسٹیٹ بینک آف پاکستان کی جانب سے سماجی رابطوں کی ویب سائٹ ’ٹوئٹر‘ پر جاری کردہ بیان میں کہا گیا ہے کہ تمام ملازمین ہفتے میں دو دن گھروں سے کام کریں اور ورچوئل میٹنگز کو فوقیت دیں۔

اس ضمن میں اسٹیٹ بینک نے واضح کیا ہے کہ اس کا بنیادی مقصد توانائی کی بچت کو یقینی بنانا اور بجلی کے استعمال کو کم سے کم کرنا ہے۔