جن کا ایک ہی ایجنڈا ہے کہ عوام کو یرغمال اورملک کو کنگال بناﺅ۔مہنگائی سمیت عوام کے مسائل اسلامی نظام اوردیانتدارقیادت ہی حل کرسکتی ہے۔
26جون کو سندھ میں فری اینڈ فیئرانتخابات کا انعقاد الیکشن کمیشن کی آئینی ذمے داری ہے۔کراچی کے حالیہ ضمنی انتخابات پرتشدد واور بے ضابطگیوں کی فافن رپورٹ تشویش ناک ہے،محمد حسین محنتی
کراچی( اسٹاف رپورٹر )امیرجماعت اسلامی سندھ وسابق رکن قومی اسمبلی محمد حسین محنتی نے کہا ہے کہ آئی ایم ایف ایک ظالم ادارہ اورحکمراں ان کے غلام بنے ہوئے ہیں۔جن کا ایک ہی ایجنڈا ہے کہ عوام کو یرغمال اورملک کو کنگال بناﺅ۔مہنگائی سمیت عوام کے مسائل اسلامی نظام اوردیانتدارقیادت ہی حل کرسکتی ہے۔26جون کو سندھ میں فری اینڈ فیئرانتخابات کا انعقاد الیکشن کمیشن کی آئینی ذمے داری ہے۔کراچی کے حالیہ ضمنی انتخابات پرتشدد واور بے ضابطگیوں کی فافن رپورٹ تشویش ناک ہے۔پیپلزپارٹی اگراپنے آپ کو جمہوری پارٹی ہونے کا دعویٰ کرتی ہے تو اسے مخالفین کے فارم رد،جھوٹے مقدمات اورحراساں کرنے کی بجائے بلدیاتی انتخابات میں جمہوری انداز میں مقابلہ کرنا چاہئے۔حکومتی تبدیلی ،آئی ایم ایف کی مکمل غلامی اختیارکرتے ہوئے عوام پرمہنگائی کے بم برسانے کے باوجود مسائل حل نہ ہونے سے ثابت ہوگیا چہروں نہیں نظام کی تبدیلی سے ہی ملک ترقی عوام سکھ کا سانس لے سکتے ہیں۔ان خیالات کا اظہار انہوں نے خیرپورمیں ضلعی ذمے داران اوربلدیاتی امیدواروں کے اجلا س سے خطاب کے دوران کیا۔امیرضلع ثناءاللہ جونیجو،عبدالحلیم آرائین،صوبائی سیکرٹری اطلاعات مجاہد چنا سمیت دیگرمقامی ذمے داران بھی اس موقع پرساتھ موجود تھے۔ صوبائی امیر نے مزید کہاکہ ملکی دولت کی لوٹ مار وکرپشن کرنے والی قیادت اپنی تجوریاں تو بھر سکتی ہے مگرملک وقوم کی صحیح خدمت نہیں کرسکتی۔دریں اثناءصوبائی نائب امیرحافظ نصراللہ چنا کی قیادت میں یونین کونسل07 خانپورجونیجو کے تحت ایک بھرپور ریلی نکالی گئیں جس میں ترازوکے نشان پر مہرلگاکرجماعت اسلامی کے نامزد امیدواروں کوکامیاب بنانے کی اپیل کی گئی۔یوسی چیرمین کے امیدوارثناءاللہ جونیجو ودیگر رہنماوں نے بھی اس موقع پر ریلی سے خطاب کیا۔