ملک میں اسلامی بنکاری اور اسلامی نظام کے قیام کے ذریعے ہی مہنگائی،بیروزگاری اورسودی نظام معیشت سے نجات حاصل کی جاسکتی ہے۔وفاقی شرعی عدالت کی جانب سے سودکے خاتمے اوراسلامی بنکاری کے قیام کے فیصلے پر الفاظ اورروح کے مطابق عمل درآمد کے لیے حکومت فوری وعملی اقدامات کرے، محمد حسین محنتی
حکومت فیصلے کوتسلیم عمل درآمد کے لئے روڈ میپ تیا راوروزارت خزانہ میں اسلامی بنکاری کے حوالے سے الگ ڈپٹی فناس سکریٹری کا تقرر کیاجائے، احمد شجاع قدوائی
کراچی (اسٹاف رپورٹر)14جون 2022 امیرجماعت اسلامی سندھ وسابق ایم این اے محمد حسین محنتی نے کہاہے کہ ملک میں اسلامی بنکاری اور اسلامی نظام کے قیام کے ذریعے ہی مہنگائی،بیروزگاری اورسودی نظام معیشت سے نجات حاصل کی جاسکتی ہے۔وفاقی شرعی عدالت کی جانب سے سودکے خاتمے اوراسلامی بنکاری کے قیام کے فیصلے پر الفاظ اورروح کے مطابق عمل درآمد کے لیے حکومت فوری وعملی اقدامات کرے۔جماعت اسلامی نہ صرف بنکاری بلکہ پوری ملک کے نظام کو تبدیل کرکے اسلامی بنانے کی جدوجہد کر رہی ہے۔ان خیالات کا اظہار انہوں نے قباءآڈیٹوریم میں ماہربنکاری اورالبرکہ بنک کے سابق سی اواو احمد شجاع قدوائی سے ملاقات کے دوران کیا۔سابق رکن قومی اسمبلی اسداللہ بھٹو،مولانا حسان کلیم اورمجاہدچنا بھی اس موقع پر موجود تھے۔ماہر اسلامی بنکاری اورالبرکہ بنک کے سابق سی اواواحمد شجاع قدوائی نے سودی بنکاری کے خلاف وفاقی شرعی عدالت کے فیصلے کو خوش آئند اور جماعت اسلامی کی سودکے خلاف جدوجہد کو سراہتے ہوئے کہاکہ تمام دینی جماعتوں علمائے کرام اوراسلامی معیشت کے ماہرین پر فرض ہے کہ فیصلے پرعمل درآمد اوراسلامی بنکاری کے نفاذ کی جدوجہد کو تیزکرنے کے لیے اپنا بھرپور کردار ادا کریں تاکہ کسی کو بھی یہ جرائت دوبارہ نہ ہوسکے کہ وہ اس فیصلے کے خلاف اپیل دائر کرسکے ۔انہوں زوردیاکہ حکومت فیصلے کوتسلیم عمل درآمد کے لئے روڈ میپ تیا راوروزارت خزانہ میں اسلامی بنکاری کے حوالے سے الگ ڈپٹی فناس سکریٹری کا تقرر کیاجائے۔ملاقات میں اتفاق کیا گیا کہ عدالتی فیصلے پرعمل درآمد اوراسلامی بنکاری کے فروغ حوالے سے علمائے کرام تاجروں،بروکرز اورماہرین معیشت سے رابطہ اورجدوجہد کو تیز کیا جائے گا۔