تازہ ترین
پانچ شہروں سے متعلق ریڈالرٹ جاری کیا ہوا ہے، شیخ رشیدکنزیومر موومنٹ غریب عوام کی داد رسی کے لیے جنگی بنیادوں پر کام کرے، محمد حسین محنتیمسلم ممالک ہماری حکومت کو تسلیم کریں، افغان وزیراعظمپریانتھا کو کس نے قینچی ماری اور کس نے لاش جلائی؟ 7 مرکزی ملزمان کا پتا چل گیالاہور میں دھماکا، ایک شخص جاں بحق اور متعدد زخمیایران کے ساتھ مذاکرات پر ہار ماننے کا وقت نہیں، امریکی صدرپاکستان کی پہلی خواجہ سرا ڈاکٹر سارہ گل نے ملک میں ایک نئی تاریخ رقم کی ہے، سعید غنیلتا منگیشکر انتہائی نگہداشت کے وارڈ میں زیرعلاج، ڈاکٹروں کی دعا کی اپیلحکومت چھوٹے کاروبار کیلئے لیز پر زمین فراہم کرے گی، وزیراعظم کا اعلاناندرون ملک سفر پرپاکستانیوں کا گھیرا تنگ، فضائی ٹکٹ پر شناختی کارڈ نمبر درج ہوگاپی ٹی آئی حکومت کے دعووں کے برعکس مہنگائی نے عام آدمی کی زندگی مشکل بنادی ہےکراچی: ایف آئی اےکی میڈیسن مارکیٹ میں کارروائی، بھاری تعداد میں جعلی ادویات برآمدڈاکٹرطارق بنوری نے چیئرمین ایچ ای سی کا چارج دوبارہ سنبھال لیاکراچی میں بھی گدھوں کے گوشت کے استعمال کا خدشہنسلہ ٹاور کیس: بلڈرز نے عدالت سے ضمانت قبل از گرفتاری حاصل کر لیکورونا کیسز: این سی او سی نے نئی پابندیاں نافذ کردیںشاہ رخ جتوئی کا اسپتال میں رہنےکا معاملہ، بلاول نے سندھ حکومت کو بری الذمہ قرار دیدیاممبئی میں لنگر انداز بھارتی جنگی بحری جہاز میں دھماکا، 3 اہلکار ہلاکابوظبی پر ڈرون حملوں کے بعد سعودی اتحاد کی یمن میں بمباری، 20 افراد ہلاککرشمہ یا کورونا ویکسین کا کمال؟ معذور شخص چلنے اور بولنے لگا

گوادر کوقومی اور بین الاقوامی مافیاز کے رحم وکرم پر نہیں چھوڑیں گے، سراج الحق

امیر جماعت اسلامی سراج الحق نے کہا ہے کہ گوادر کوقومی اور بین الاقوامی مافیاز کے رحم وکرم پر نہیں چھوڑیں گے۔

گوادر صوبہ بلوچستان اور پاکستان کی ترقی کا گیٹ وے ہے۔ ”حق دو گوادر کو“ عوام کی پرامن تحریک ہے۔مطالبات تسلیم نہ کئے گئے تو پورے ملک میں احتجاج کی کال دیں گے۔مولانا ہدایت الرحمن بلوچ اسلام پسند اور محب وطن لیڈر کے طور پر اس تحریک کو لیڈ کررہے ہیں۔

جس تحریک میں شیر خوار بچے، مائیں،بہنیں اوربیٹیاں شامل ہوں اس تحریک کو کوئی نہیں دبا سکتا۔روزگار کامطالبہ کرنا دہشت گردی نہیں بلکہ اپنی عوام سے محبت اور ہمدردی ہے۔ حکومت کو خبردار کرنا چاہتاہوں اگراس نے گوادر کے مسائل حل نہ کئے تو گوادر کے عوام سے اظہار یکجہتی کے لیے احتجاج گوادر تک محدود نہیں رہے گا۔آج گوادرپہنچ رہا ہوں اور”حق دو گوادر کو“تحریک کے شرکاء سے اظہار یکجہتی کروں گا۔جماعت اسلامی بلوچستان کے سیکرٹری جنرل مولانا ہدایت الرحمن بلوچ گوادر کے مسائل پر عوام کو یکجا کرکے وہاں کے عوام کے لیے امید کی روشن کرن ثابت ہوئے ہیں۔ہم گوادر کے عوام کو تنہا نہیں چھوڑیں گے۔ان کے حقوق کے لیے ہر فورم پر صدا بلند کریں گے۔ ان خیا لات کا اظہار انہوں نے منصورہ میں ہنگامی پریس کانفرنس سے خطاب کرتے ہوئے کیا۔ اس موقع پرجماعت اسلامی پاکستان کے ڈپٹی سیکرٹری جنرل محمد اصغر اور سیکرٹری اطلاعات قیصر شریف بھی موجود تھے۔

سراج الحق نے کہا بلوچستان ملک کے کل حصہ کا 44فیصدہے جو کہ معدنیات، قدرتی وسائل سے مالا مال صوبہ ہے لیکن یہاں کے عوا م کے مقدر میں غربت وبے روزگاری، پسماندگی حصے میں آئی ہے۔ قدرتی گیس سب سے زیادہ بلوچستان سے نکلتی ہے لیکن اس کے باوجود پوراصوبہ اس سے محروم ہے۔ حکومت نے مولانا ہدایت الرحمن بلوچ کا نام فورتھ شیڈول میں ڈال دیا ہے۔ جس کی جتنی بھی مذمت کی جائے کم ہے۔ عوام یہ سوال اٹھانے میں حق بجانب ہے کہ ٓاخر ان کا جرم کیا ہے؟کیا وہ دہشت گرد ہیں؟ یاپھر ان کے سہولت کار ہیں؟کیا انہوں نے فورسز پرحملہ کیا؟ یا پھر غیر قانونی کام کیا؟ان کا بس یہی جرم تھا کہ انہوں نے گوادر کے عوام کے مسائل حل کرنے کے لیے ارباب اقتدار و اختیار کو للکارا۔ مولانا ہدایت الرحمن بلوچستان کے عوام کے ہیرہ ہیں۔بلوچستان کی تاریخ کا یہ سب سے بڑا احتجاج ہے جس میں خواتین اور بچوں کی بڑی تعداد نے شرکت کی ہے۔

امیر جماعت نے کہا کہ مولانا ہدایت الرحمن بلوچ نے حکومت سے کہا ہے کہ آپ پنجاب،سندھ، خیبرپختونخواہ کے عوام کو بے شک نوکریاں اور روزگار دیں ہمیں اس پر کوئی اعتراض نہیں ہے لیکن گوادر کے سالوں سے آباد عوام سے ان کا روزگار نہ چھینیں۔حکومت گوادرکے عوام کو صحت عامہ کی سہولیات دیں،ہم سمند ر کے قریب رہتے ہیں لیکن گوادر کی عوام پینے کے صاف پانی سے محروم ہیں۔گوادر سمیت بلوچستان کی ساحلی پٹی پر ناکوں اور شناخت کے نام پر بلوچستان کے عوام کے ساتھ تضحیک و تذلیل بند کی جائے۔

سراج الحق نے کہا آج تک تمام حکومتوں نے بلوچستان کے عوام کے مسائل حل کرنے کی بجائے ان کی محرومیوں میں ہی اضافہ ہی کیا ہے۔ظالم جاگیرداروں،وڈیروں اور سرداروں نے بھی عوا م کے حقو ق غضب کردیئے ہیں۔جماعت اسلامی بلوچستان کے شانہ بشانہ ہے اور ان کے حقو ق اور مسائل کے حل کی تحریک کادستہ بازو ہے۔ انشاء اللہ جماعت اسلامی بلوچستان کے عوام کو ان کے جائزحقوق دلاکر ہی دم لے گی۔سراج الحق نے خبردار کیااگر فوری طور پر مولانا ہدایت الرحمن بلوچ اور ان کے رفقا ء پر بے بنیاد اور ان کا نام فورتھ شیڈول نہ نکالا تو مل بھر احتجاج کیا جائے گا۔

About قومی مقاصد نیوز

تبصرہ کریں

آپ کی ایمیل یا ویبشایع نہیں کی جائے گی. لازمی پر کریں *

*

Translate »