نوشہرہ: اکبر پورہ میں کباڑ کی دکان میں پڑا پرانا بم پھٹنے سے 5 افراد جاں بحق اور ایک شخص زخمی ہوگيا۔

ڈی پی او نجم الحسنین کے مطابق دریائےکابل کے کنارے پڑے پرانے بم اورگولے اکبرپورہ کے کباڑیوں نے اٹھائے تھے اور توڑ پھوڑکے دوران ایک کباڑی کی دکان میں زور دار دھماکا ہوگیا۔

ڈی پی او نے بتایا کہ لاشوں اور زخمی شخص کو پبی اسپتال منتقل کردیا گیا ہے۔

دوسری جانب پولیس نے علاقے میں مزید کسی نقصان سے بچنے کےلیے سرچ آپریشن شروع کردیا ہے۔