کراچی: جماعت اسلامی سندھ کے امیر وسابق ایم این اے محمد حسین محنتی نے کہاہے کہ دیانتدار قیادت اوراسلام کا عادلانہ نظام ہی موجودہ تمام مسائل کا حل ہے۔

سیدناامام حسین عالی مقام ؓ نے اسی عادلانہ نظام کے لیے اپنے خاندان وساتھیوں سمیت جدوجہدو شہادت کے راستے کا انتخاب کیا۔کوئی بھی تحریک یا تبدیلی قربانی مانگتی ہے۔پاکستان میں حقیقی تبدیلی اوراسلام کے عادلانہ نظام کے قیام کے لیے اپنا کردارادا کرنا ہوگا۔ان خیالات کا اظہار انہوں نے مصطفی مسجد گارڈن میں منعقدہ اجتماع سے خطاب کے دوران کیا۔انہوں نے کہاکہ حالیہ مون سون کی بارشوں میں حکومت کی کارکردگی کے بے نقاب کردیا ہے،معیشت کی صورتحال پھلے ہی خراب تھی کوروناوائرس اورمون سون کی بارشوں نے مزید تباہی مچادی ہے ۔کرپشن اورفرسودہ نظام نے عوام کو مزیدمسائل کے دلدل میں دھکیل دیا ہے۔ملک کا سب سے بڑاشہر و دارالحکومت کراچی میں تاحال پوش علاقوں سے بھی نکاسی آب نہیں ہوسکا ہے۔عوام اس ظلم کے خلاف سراپا احتجاج ہیں مگرکوئی دادفریاد سننے والا بھی نہیں ہے۔اس لیے دیانتداراوراسلام کا عادلانہ نظام ہی تمام مسائل کا حل ہے۔صوبائی امیر نے ساحلی پٹی سمیت سندھ میں آج ہونے والی بارشوں کے نتیجے میںقیمتی انسانی جانوں و فصلوں سمیت املاک کے نقصان پردلی دکھ وافسوس کا اظہار کرتے ہوئے زوردیاہے کہ متاثرین کی امداد اورمانیٹرنگ سیل قائم کیاجائے۔