تازہ ترین
آڈیو لیک معاملہ، قائمہ کمیٹی برائے اطلاعات نے ثاقب نثار کو طلب کرلیاالیکشن کمیشن کا ووٹ چیک کرنیوالی ایس ایم ایس سروس مفت کرنے کا فیصلہٹی ایل پی کے سربراہ کا آئندہ الیکشن میں بھرپور طریقے سے حصہ لینے کا اعلانہم سندھ میں بلدیاتی انتخابات مارچ 2022 چاہتے ہیں، مردم شماری پر ہمارے آج بھی تحفظات ہیںسندھ ہائیکورٹ نے فریال تالپورکوبیرون ملک جانے کی اجازت دے دیپولیس اہلکار کا گھر پر حملہ، خاتون سے اہل خانہ کے سامنے زیادتیکراچی: نسلہ ٹاور کے باہرمتاثرین اور بلڈرز کا احتجاج، پولیس کا لاٹھی چارج اور شیلنگپاکستان عالمی مالیاتی ادارے کے نرغے میں پھنس چکا ہے، میاں زاہد حسینپاک بنگلادیش ٹیسٹ کے دوران اسٹیڈیم کے باہرآتشزدگی، دھواں گراؤنڈ میں داخلپیٹرول پر تمام ٹیکس ختم کردیے، تیل کی قیمت میں کمی کا سب فائدہ عوام کو دینگے‘ملک میں گیس کا بحران سنگین، شہریوں کیلئے روز ہوٹل سے کھانا خریدنا مشکل ہو گیابھارت نے پاکستان سے فضائی حدود استعمال کرنے کی اجازت مانگ لیحکومت سے مذاکرات کامیاب ہونے پر پیٹرولیم ڈیلرز نے ہڑتال ختم کردیمہنگی بجلی، قلت کےساتھ مہنگاپیٹرول پی ٹی آئی ایم ایف ڈیل کے تحفے ہیں، بلاولپیٹرول کتنا مہنگا ہونے والا ہے؟ بری خبر آگئیعدلیہ کو بدنام کرنے کا الزام، مریم اور شاہد خاقان کیخلاف درخواست پر سماعت کل ہوگیبلاول بھٹو زرداری سے پاک افغان امور پر برطانوی وزیراعظم کے نمائندے نائجل کیسی کی ملاقاتسراج الحق کی افغانستان کے وزیرپٹرولیم اور مذکراتی ٹیم کے رکن ملا شہاب الدین دلاور سے ملاقات کیسندھ میں آٹے کی کوئی کمی نہیں ہےروٹیشن پالیسی: وزیراعلیٰ سندھ جزوی طور پر افسران کے تبادلوں پر رضامند ہوگئے

امریکی ڈرگ ایڈمنسٹریشن نے کلوروکوئن کورونا مریضوں کو دینے پر فوری پابندی لگادی

امریکا کی فوڈ اینڈ ڈرگ ایڈمنسٹریشن (ایف ڈی اے) نے کورونا وائرس کے مریضوں کے علاج کے لیے ملیریا کی دوا کلوروکوئن اور ہائیڈروکسی کلوروکوئن کےا ستعمال پر پابندی لگادی ہے۔

ایف ڈی اے کی جانب سے جاری بیان کے مطابق امریکا میں کورونا وائرس سے شدید متاثرہ مریضوں کو ہنگامی صورت حال میں کلوروکوئن اورہائیڈروکسی کلوروکوئن دینے کا فیصلہ کالعدم قرار دے دیا گیا ہے۔

ایف ڈی اے کا کہنا ہے کہ اب کورونا کے مریضوں کو ہنگامی صورت حال میں بھی یہ دوائیں دینے کی اجازت نہیں ہوگی۔
فوڈ اینڈ ڈرگ ایڈمنسٹریشن کے مطابق کورونا کے مریضوں کو ہنگامی حالات میں کلوروکوئن اورہائیڈروکسی کلوروکوئن کے استعمال سے حاصل ہونے والے نتائج کے تجزیے سے معلوم ہواہے کہ ملیریا کے علاج کے لیے استعمال ہونے والی یہ دوائیں کورونا کے علاج میں معاون ثابت نہیں ہورہیں۔

ایف ڈی اے کے مطابق ان دواؤں کے استعمال سے دل کے امراض کے مسائل سمیت دیگر منفی اثرات ان دواؤں کے مثبت اثرات سے زیادہ ہیں ، اس لیے امریکی ادارے بائیو میڈیکل ایڈوانسڈ ریسرچ اینڈ ڈویلپمنٹ کے معیار کے مطابق کلوروکوئن اور ہائیڈروکسی کلوروکوئن کو انتہائی تشویشناک حالت میں مبتلا کسی مریض کو نہیں دیا جاسکتا۔

خیال رہے کہ امریکا میں کورونا وائرس سے متاثرہ افراد کی تعداد 21 لاکھ 71 ہزار سے تجاوز کرچکی ہے جب کہ ایک لاکھ 18 ہزار افراد ہلاک ہوچکے ہیں۔

ایف ڈی اے نے 28 مارچ کو کورونا وائرس کے مریضوں کو کلوروکوئن اورہائیڈروکسی کلوروکوئن دینے کی مشروط منظوری دی تھی جب کہ اس سے قبل امریکی صدر ڈونلڈ ٹرمپ ان دواؤں کے کورونا کے علاج میں مفید ہونے کا دعویٰ کرچکے تھے۔

ایف ڈی اے کا کہنا تھا کہ کلوروکوئن اورہائیڈروکسی کلوروکوئن کورونا کے صرف انتہائی تشویشناک حالت کے مریض کو دی جاسکتی ہے۔

ساتھ ہی ایف ڈی اے نے خبردار کیا تھا کہ کلوروکوئن اور ہائیڈروکسی کلوروکوئن کورونا کے ہر مریض کے استعمال کے لیے ہرگز نہیں ہے اور یہ دوا صرف ان مریضوں کے لیے ہے جن کی جان کو سنگین خطرات لاحق ہیں۔

ان خبروں کے بعد پاکستان میں بھی ان دواؤں کی مانگ بڑھ گئی تھی اور بعض علاقوں میں اس کی قلت بھی دیکھی گئی تھی۔

About قومی مقاصد نیوز

تبصرہ کریں

آپ کی ایمیل یا ویبشایع نہیں کی جائے گی. لازمی پر کریں *

*

Translate »