تازہ ترین
کیوی وزیر اعظم نے کورونا کے باعث اپنی شادی ملتوی کر دیرضوان آئی سی سی ٹی ٹوئنٹی کرکٹر آف دی ایئر قرارمسلم عقیدے کے سبب وزارتی ذمہ داریوں سے فارغ کیا گیا: برطانوی رکن پارلیمنٹمارٹرگولہ پھٹنے سے 4 افراد جاں بحقاغوا برائے تاوان کی وارداتوں میں ملوث جعلی کسٹم انسپکٹرگرفتارنوازشریف کو باہر بھیجنے کا فیصلہ 100 فیصد عمران خان کا تھا: اسد عمر29واں آل پاکستان شوٹنگ بال ٹورنامنٹ کا آغاز:70ٹیموں مد مقابل ہیںایلون مسک دماغی چپ کی انسانی جانچ کے قریبسندھ پولیس کے پاس واٹس ایپ کال ٹریس کرنے کی ٹیکنالوجی موجود نہ ہونے کا انکشافپپدریائے سندھ کی 3 ڈولفنز کو سیٹلائٹ ٹیگس لگاکر دریا میں چھوڑ دیا گیاصدارتی نظام کا شوشہ حکومتی ناکامی اور مہنگائی سمیت عوام کے سلگتے مسائل سے توجہ ہٹانے کی کوشش ہے، محمد حسین محنتیایک ہفتے میں 24 اشیا کی قیمتوں میں اضافہ، مہنگائی کی شرح 19.36 فیصد پرآگئیلمس: ملازمین کے کاموں میں سکندر جونیجو، سرفراز میمن ودیگر رکاوٹ اور بلیک میلنگ کر رہے ہیں: قلندر بخش بوزدارکراچی کی ضروریات کونظراندازکرنا کمزورمعیشت سے کھیلنے کے مترادف ہے، میاں زاہد حسینشرمیلا کی والدہ سے کیا ان کے بینک اکاؤنٹس کا پوچھتی؟ نادیہ خانڈکیتی کے کیس میں شوہر کے سامنے خاتون سے زیادتی کا بھی انکشافلاہور: انار کلی بازار دھماکے کیلئے کتنے دہشتگرد آئے؟ تفصیلات سامنے آ گئیںگرل فرینڈ کی ماں کو گردہ عطیہ کرنے والے شخص کو دھوکا، لڑکی نے کسی اور سے شادی کرلیبھیک مانگنے والی لڑکی پر دکاندار نےگرم گھی پھینک دیاجماعت اسلامی کی جانب سے لاہور بم دھماکے کی مذمت

کورونا سے متاثرہ رکن سندھ اسمبلی عبدالرشید کے خاندان کے 8 افراد وائرس کا شکار

کورونا وائرس سے متاثر ہونے والے سندھ کے رکن اسمبلی سید عبدالرشید کے خاندان کے 8 افراد کا کورونا ٹیسٹ مثبت آگیا۔
متحدہ مجلس عمل (ایم ایم اے) کے ٹکٹ پر کراچی کے علاقے لیاری کی صوبائی اسمبلی کی نشست (پی ایس-108) سے منتخب ہونے والے عبدالرشید میں گزشتہ دنوں کورونا وائرس کی تشخیص ہوئی تھی۔
جس کے بعد انہوں نے سیلف آئیسولیشن اختیار کرلی تھی جبکہ اہل خانہ کا بھی کورونا ٹیسٹ کروانے کا فیصلہ کیا تھا۔
رکن سندھ اسمبلی کے خاندان کے افراد کے ٹیسٹ کے نتائج آج سامنے آگئے اور 8 افراد میں کورونا وائرس کی تشخیص ہوئی۔
اس حوالے سے سید عبدالرشید نے میڈیا کو بتایا کہ ان کے خاندان کے افراد کے ٹیسٹ کیے گئے تھے، جس میں سے 8 افراد میں یہ وائرس منتقل ہوا۔
سید عبدالرشید کے مطابق متاثر ہونے والوں میں ان کی والدہ، اہلیہ، بہن اور بچے شامل ہیں۔
رکن صوبائی اسمبلی کا کہنا تھا کہ ان کی اور خاندان کے دیگر افراد کی طبیعت بہتر ہے اور تمام افراد گھر ہی میں آئیسولیٹ ہیں۔
ساتھ ہی ان کا یہ بھی کہنا تھا کہ ان کی والدہ کے سوا گھر کے کسی بھی فرد میں کورونا وائرس کی کوئی علامات ظاہر نہیں ہوئیں۔
یہاں یہ واضح رہے کہ سید عبدالرشید پہلے سیاست دان نہیں جو کورونا وائرس سے متاثر ہوئے بلکہ اس کے علاوہ بھی ملک میں متعدد سیاست دان و دیگر شخصیات بھی وائرس کا شکار ہوئی ہیں۔
اس کے علاوہ کراچی میں مختلف ایسے کیسز بھی سامنے آئے ہیں جہاں ایک فرد سے مختلف لوگ وائرس سے متاثر ہوئے۔ واضح رہے کہ کورونا وائرس انسان سے انسان میں منتقل ہونے والا وائرس ہے اور پاکستان میں اس کے مقامی طور پر منتقلی کے کیسز میں تیزی سے اضافہ ہورہا ہے۔
گزشتہ دنوں سندھ کے گورنر عمران اسمٰعیل میں بھی کورونا وائرس کی تشخیص ہوئی تھی، جس کے بعد انہوں نے سیلف آئیسولیشن اختیار کرلی تھی۔
اس سے قبل سربراہ ایدھی فاؤنڈیشن فیصل ایدھی بھی کورونا سے متاثر ہوئے تھے۔
مزید یہ کہ سندھ کے صوبائی وزیر تعلیم سعید غنی میں بھی کورونا وائرس کا ٹیسٹ 2 مرتبہ مثبت آیا تھا تاہم کچھ روز کی احتیاطی تدابیر اختیار کرنے کے بعد ان کا ٹیسٹ کا نتیجہ منفی آگیا تھا۔
خیال رہے کہ ملک میں کورونا وائرس کے کیسز کی تعداد 15 ہزار سے تجاوز کرچکی ہے جبکہ 335 افراد وائرس سے لقمہ اجل بھی بنے ہیں۔
اس وائرس سے دوسرے نمبر پر سب سے زیادہ صوبہ سندھ متاثر ہوا ہے، جہاں اب تک متاثرین کی تعداد 5695 ہے جبکہ اس وائرس سے 100 افراد یہاں انتقال بھی کرچکے ہیں۔
یہاں یہ بات مدنظر رہے کہ سندھ میں سامنے آنے والے ان کیسز میں تقریباً 4 ہزار صرف کراچی میں ہیں جبکہ یہاں اموات بھی 80 سے زیادہ ہیں۔

About قومی مقاصد نیوز

تبصرہ کریں

آپ کی ایمیل یا ویبشایع نہیں کی جائے گی. لازمی پر کریں *

*

Translate »