قومی مقاصد قومی مقاصد کی حقیقی ترجمان
کراچی: سندھ حکومت نے کابینہ میں توسیع کرتے ہوئے ناصر حسین شاہ اور سہیل انور سیال کو دوبارہ کابینہ کا حصہ بنا لیا ہے۔
قومی مقاصد نیوز کے مطابق پیپلزپارٹی نے سندھ کابینہ میں توسیع کا فیصلہ کرتے ہوئے چار اراکین کو وزارتیں دینے کا فیصلہ کیا، حلف برداری تقریب گورنر ہاؤس میں ہوئی جس میں عمران اسماعیل سمیت دیگر معززین نے شرکت کی۔
تقریبِ حلف برداری میں ناصرحسین شاہ ،عبدالباری پتافی ،اکرام دھاریجو اورسہیل انور سیال نے بطور وزیر حلف اٹھایا گورنر سندھ عمران اسماعیل نے اُن سے حلف لیا، علاوہ ازیں پیپلزپارٹی کے سینئر رہنما نثار کھوڑو اور اعجاز شیرازی کو وزیراعلیٰ کا صلاحکار مقرر کردیا گیا۔
حلف لینے کے بعد گورنر، وزیراعلیٰ اور چیف سیکریٹری نے نئے وزراء کو مبارکباد دی۔
