کراچی: سونے کی فی تولہ قیمت 1700 روپے اضافے کے بعد 82 ہزار روپے کی بلند ترین سطح پر پہنچ گئی۔

قومی مقاصد نیوز کے مطابق ڈالر کی بڑھتی قیمت کا اثر ملکی صرافہ مارکیٹوں میں بھی نظر آیا اور ایک ہی دن میں سونے کی فی تولہ اور 10 گرام سونے کی قیمتوں میں بالترتیب 1700 روپے اور 1458 روپے کا اضافہ ہوگیا جب کہ عالمی مارکیٹ میں بھی سونے کی فی اونس قیمت میں یک دم 24 ڈالر کا اضافہ ہوگیا اور عالمی بلین مارکیٹ میں سونے کی فی اونس قیمت بڑھ کر 1420 ڈالر ہوگئی۔