بشکک: شنگھائی تعاون تنظیم کے سربراہی اجلاس میں وزیر اعظم عمران خان اور چینی صدر کی ملاقات ہوئی۔

تفصیلات کے مطابق شنگھائی تعاون تنظیم کے سربراہی اجلاس میں وزیراعظم عمران خان اور چینی صدر شی جن پنگ کی ملاقات ہوئی۔ ملاقات میں دونوں رہنماؤں کے درمیان باہمی امور پر تبادلہ خیال کیا۔ ملاقات میں وزیر اعظم کے معاون خصوصی عثمان ڈار بھی عمران خان کے ہمراہ موجود تھے۔

وزیراعظم عمران خان نے چینی صدر کو پاکستان کے دورے کی دعوت دی۔دونوں رہنماؤں کے درمیان سی پیک کے حوالے سے تفصیلی گفتگو ہوئی اور پاک بھارت مذاکراتی عمل پر بھی تبادلہ خیال کیا گیا۔ عمران خان اور شی جن پنگ کے درمیان خطے سے متعلق معاملات پر بات چیت ہوئی۔