تازہ ترین
این اے 133 ضمنی انتخاب، پی پی کو 2018 کے مقابلے میں 26ہزار728 ووٹ زیادہ ملےبھارتی ریاست ناگالینڈ میں سکیورٹی فورسز نے فائرنگ کر کے 13مزدور مار ڈالےآئی ایم ایف کی نئی شرائط ملکی اداروں کو گروے رکھنے کے مترادف ہے، محمد حسین محنتیوہاڑی واقعہ، عثمان بزدار کی قائداعظم کے مجسمے پر فوری طورپر عینک لگانے کی ہدایتمنی لانڈرنگ کیس: جیکولین فرنینڈس کو بھارت سے باہر جانے سے روک دیا گیاگوادر کوقومی اور بین الاقوامی مافیاز کے رحم وکرم پر نہیں چھوڑیں گے، سراج الحقوزیراعظم کا پریانتھا کمارا کو بچانےکی کوشش کرنیوالے شخص کیلئے تمغہ شجاعت کا اعلانپریمئیر لیگ کرکٹ ٹورنامنٹ میں ملک بھر سے 12 ٹیموں کے 200 پلئرز نے حصہ لیاتیز رفتارگاڑی نے 4 بچوں کوکچل دیا، ایک بچہ جاں بحقاسسٹنٹ کمشنر کو فائرنگ کرکے قتل کردیا گیادنیا کی معمر ترین ٹیسٹ کرکٹر ایلین ایش110سال کی عمر میں انتقال کر گئیں’وزیراعظم 10 دسمبر کو کراچی کے پہلے جدید ترین ٹرانسپورٹ سسٹم کا افتتاح کریں گے‘ٹائر پھٹنے پر مسافروں کا طیارے کو دھکا لگانے کا انوکھا واقعہپاکستان سمیت دنیا بھر میں آج سندھی ثقافتی دن منایا جارہاہےلڑکی سے زیادتی کے الزام میں گرفتار سینئر سول جج ضمانت پر رہاسیالکوٹ واقعہ: گرفتار افراد میں سے 13 اہم ملزمان کی شناخت، تصاویر جاریملک میں قرآن و سنت جمہوریت و آئین کی بالادستی کیلئے اچھی قیادت کو آگے لانا ہوگا۔ لیاقت بلوچلاقانونیت اور کرپشن نے ملک کو کھوکھلا کر دیا، سراج الحقایک شخص مشتعل ہجوم سے پریانتھا کمارا کو بچانےکی تن تنہا کوشش کرتا رہاملک میں سونا 600 روپےفی تولہ سستا ہوگیا

تحریک انصاف کے رہنما عبدالعلیم خان کو لاہور کی کوٹ لکھپت جیل سے رہا

تحریک انصاف کے رہنما عبدالعلیم خان کو لاہور کی کوٹ لکھپت جیل سے رہا کر دیا گیا۔

تحریک انصاف کے کارکنوں نے رہائی پر علیم خان کا استقبال کیا۔ عبدالعلیم خان کا اس موقع پر کہنا تھا کہ انہوں نے قبل از گرفتاری ضمانت نہیں کرائی، نیب کا سامنا کیا۔

انہوں نے کہا کہ عوام نے عمران خان کو جس امید پر ووٹ دیا ہے اس پر وہ پورا اتریں گے۔

خیال رہے کہ تحریک انصاف کے رہنما عبدالعلیم خان آمدن سے زائد اثاثہ جات اور آف شور کمپنی کیس میں کوٹ لکھپت جیل میں تھے۔

دو روز قبل لاہور ہائی کورٹ نے ان کی ضمانت منظور کی تھی۔ نیب نے عبدالعلیم کو 6 فروری کو گرفتار کیا تھا، ان کی رہائی 101 دن بعد عمل میں آئی ہے۔

سابق وزیر بلدیات پنجاب علیم خان نے نیب کی گرفتاری کو لاہور ہائیکورٹ میں چیلنج کیا تھا اور ضمانت کی درخواست کی تھی۔

عدالت نے نیب سے استفسار کیا کہ علیم خان کے خلاف ریفرنس کب دائر کیا جائے گا اس پر نیب نے بتایا کہ ریفرنس کل دائر کردیا جائے گا۔

نیب کے جواب پر عدالت نے کہا کہ جب تفتیش مکمل ہوگئی ہے تو کسی شخص کو غیر معینہ مدت تک جیل میں نہیں رکھا جاسکتا، اس لیے علیم خان کی ضمانت منظور کی جاتی ہے۔

ہائی کورٹ نےعبدالعلیم خان کو ایک کروڑ روپے کے ضمانتی مچلکے جمع کرانے کا حکم دیا تھا۔

گزشتہ روز علیم خان کا پنجاب اسمبلی میں میڈیا سے گفتگو میں کہنا تھا کہ نیب پہلے تفتیش کرے اگر کوئی مجرم لگے تو ضرور پکڑیں لیکن پہلے جیل میں ڈالنا پھر سوچنا کہ کیس کون سا ڈالنا ہے، یہ ظلم ہے۔

انہوں نے کہا کہ اگر ایک روپے کی بھی کرپشن کی ہو تو سیاست چھوڑ دوں گا، میرے خلاف سازش کرنے والوں سے اللہ حساب لے گا۔

About قومی مقاصد نیوز

تبصرہ کریں

آپ کی ایمیل یا ویبشایع نہیں کی جائے گی. لازمی پر کریں *

*

Translate »